Seðill ekki á Landsmót

Seðill frá Árbæ mun ekki mæta í A-flokk á Landsmótinu á Hólum í sumar. En í ljós hefur komið að hann er með sprungu í innra kjúkusinarbeini á framfæti og því kominn í allsherjar frí næstu vikurnar á meðan hann nær vonandi bata.

Að svo stöddu er forgangsatrið að koma honum aftur í lag og er góður hópur dýralækna að hugsa um hann og verður allt gert til að hægt sé að njóta hans undir hnakk næstu árin og til að hann geti sinnt hryssum í náinni framtíð. En afkvæmi hans eru virkilega lofandi.

Hann mun eiga sína fulltrúa á mótinu en Birta frá Ólafsbergi dóttir hans mun vera í flokki 6 vetra hryssna, Auga-Steinn hálfbróðir hans (F: Thór-Steinn frá Kjartansstöðum)  mun keppa í A-flokki og Skarpur hálfbróðir hans (F: Skýr frá Skálakoti) mun taka þátt í flokki 4 vetra stóðhesta.