Drift í glæsilegan dóm

Drift og Árni Björn á yfirliti júní 2023

Drift frá Árbæ fór í kynbótadóm á Hellu í nú  í júní og hlaut hún glæsilegan dóm. En hún hlaut 8,38 fyrir sköpulag og 8,15 fyrir hæfileika sem gerir 8,23 í aðaleinkunn. Hún hlaut m.a. 9,0 fyrir tölt og hægt stökk.

Drift er 5 vetra gömul undan Katli frá Kvistum og Veronu frá Árbæ og er því sammæðra Seðli. Hún er fjórða afkvæmi Veronu til að fara í kynbótadóm og það þriðja sem fer í fyrstu verðlaun. En Seðill er með 8,75 í aðaleinkunn, Díva 8,29 og Þórdís 7,95.

Drift er tamin og þjálfuð af þeim Lárusi og Ástu og meistaralega sýnd af Árna Birni og fáum við þeim þakkir fyrir.

Drift er nú komin út í haga og ef allt gengur upp fæðist folald undan henni og Hannibal frá Þúfum næsta sumar.

---

Aðaleinkunn kynbótadóms 8,23

Sköpulagseinkunn - 8,38
Höfuð: 8,5 - Skarpt/þurrt
Háls, herðar og bógar: 8,5 - Hátt settur - Langur - Góð bógalega
Bak og lend: 8,5 - Vöðvafyllt bak - Afar öflug lend
Samræmi: 8,5 - Jafnvægisgott - Sívalvaxið - Brjóstdjúpt
Fótagerð: 8,5 - Rétt fótstaða
Réttleiki: 8,0 - Framf.: R) Brotin tálína
Hófar: 8,5 - Hvelfdur botn - Vel lagaðir
​Prúðleiki: 7,0

Hæfileikaeinkunn - 8,15
Tölt: 9,0 - Mjukt - Góð fótlyfta - Góður burður - Takthreint
Brokk: 8,0 - Takthreint
Skeið: 6,0 - Ferðlítið - ójafnt
Greitt stökk: 8,5 - Góð fótlyfta - Góð skreflengd
Hægt stökk: 9,0 - Mjúkt - Jafnvægisgott
Samstarfsvilji: 8,5 - Góð framhugsun
Fegurð í reið: 8,5 - Góð fótlyfta
​Fet: 8,0 - Takhreint
​Hægt tölt: 8,5 - Góð fótlyfta