Þá er síðustu kynbótasýningum ársins lokið hér á Íslandi og á þeim tímapunkti er gaman að fara yfir árangur ársins. Hæst ber að nefna að hestagullið hann Seðill frá Árbæ er hæst dæmdi 6 vetra stóðhesturinn í ár hér á landi og ekki nóg með það heldur er hann jafnframt hæst dæmdi stóðhestur ársins þegar horft er á alla aldursflokka. Hann er undan Veronu frá Árbæ sem er undan heiðursverðlaunahrossunum Vigdísi frá Feti og Aroni frá Strandarhöfði. Faðir Seðils er Sjóður frá Kirkjubæ sem hefur hlotið 1. verðlaun fyrir afkvæmi.

Geisli okkar frá Árbæ er bráðefnilegur 4 vetra stóðhestur sem er 5 hæst dæmdi stóðhestur ársins í sínum flokki hér á landi með 8,23 í aðaleinkunn. Hann er undan Gleði frá Árbæ sem er undan Glás frá Votmúla og Vökli frá Árbæ. En Vökull er undan heiðursverðlaunahrossunum Vigdísi frá Árbæ og Aroni frá Strandarhöfði og er því albróðir Veronu frá Árbæ. Faðir Geisla er Ölnir frá Akranesi.

Ásdís frá Árbæ er bráðefnileg 5 vetra hryssa sem hlaut 8,26 í aðaleinkunn nú í sumar. Hún er undan heiðrsverðlaunahryssunni Arndísi frá Feti. En Arndís er sammæðra þeim Veronu og Vökli, undan heiðursverðlaunahryssunni Vigdísi frá Feti. Faðir Ásdísar er Sökkull frá Skák.

Einnig með 8,68 í aðaleinkunn en brotabrotum lægri en Seðill er hinn 9 vetra gamli gæðingur Glampi frá Kjarrhólum og er gaman að segja frá því að Glampi er undan hryssu úr okkar ræktun henni Gígju frá Árbæ sem er undan Glás frá Votmúla og Galsa frá Sauðárkróki.

Annar hæst dæmdi 6 vetra stóðhesturinn í ár, Gandi frá Rauðalæk, sem hlaut 8,57 í aðaleinkunn er líka út frá Árbæjarblóði en móðir hans er Garún frá Árbæ sem stóð efst í 6 vetra flokki á Heimsmeistaramótinu 2015 í Herning. Hún er  undan Glás frá Votmúla eins og Gleði og Gígja en faðir hennar er Aron frá Strandarhöfði.

Það sem af er sumri er mjög góð fyljun hjá Seðli en sónað var frá honum nú í vikunni og nýjum hryssum bætt í hólfið hjá honum. Enn eru nokkur pláss laus og er hægt að bæta inn á hann hryssum eftir því sem við á.
​
Seðill er hæst dæmdi 6 vetra stóðhesturinn á heimsvísu það sem af er árinu. Hann hlaut 8,68 í aðaleinkunn í vor sem skiptist í 8,79 fyrir sköpulag og 8,62 fyrir hæfileika. Hann er með 9,0 í einkunn fyrir háls herðar og bóga, bak og lend, samræmi, hófa, greitt stökk, samstarfsvilja og fet. Hann er með 125 í aðaleinkunn kynbótamats.. 

Móðir hans er Verona frá Árbæ sem er undan heiðursverðlaunahrossunum Vigdísi frá Feti og Aroni frá Strandarhöfði og farðir hans er Sjóður frá Kirkjubæ sem hefur hlotið 1. verðlaun fyrir afkvæmi og er undan Þyrnirós frá Kirkjubæ og heiðursverðlaunahestinum Sæ frá Bakkakoti.

Seðill er spennandi kostur fyrir ræktendur sem vilja rækta fallega, jafnvíga alhliða gæðinga með þjála og góða lund. Hér má sjá myndband af honum frá því á kynbótasýningunni í vor.

Verðið undir.hann er 99.200 m/vsk. Inn í því er girðingargjald og 1 sónar. Nánari upplýsingar um notkun veita Guðmundur í síma 899 5692, Lárus í síma 661 2145, Maríanna í síma 894 6611 eða í gegnum tölvupóstfangið marianna@arbae.is.

Ásdís frá Árbæ var sýnd í kynbótadómi núna miðsumars á Hellu og hlaut hún glæsilegan dóm. En hún hlaut 8,31 fyrir sköpulag og 8,23 fyrir hæfileika sem gerir 8,26 í aðaleinkunn. Glæsilegar einkunnir á þessari bráðefnilegu 5 vetra hryssu.

Ásdís er fædd okkur en við seldum hana s.l. vetur. Hún er undan heiðursverðlaunahryssunni Arndísi frá Feti og Stekk frá Skák. 

Eigandi Ásdísar er Volker Sill og óskum við honum innilega til hamingju með hana.

Frændurnir Seðill frá Árbæ og Geisli frá Árbæ taka á móti hryssum í Árbæ í sumar. Þeir eru ekki bara gullfallegir báðir tveir heldur eru þeir með frábært geðslag sem skilar sér m.a. í mikilli jákvæðni og eru þeir alltaf tilbúnir að vinna fyrir knapann.

Þeir fóru báðir í kynbótadóm á Hellu í síðustu viku og stóðu sig frábærlega.
​Seðill sem er 6 vetra hækkaði einkunn sína frá því í fyrra í 8,79 fyrir sköpulag og 8,62 fyrir hæfileika sem gerir 8,68 í aðaleinkunn og er hann hæst dæmdi 6 vetra hesturinn það sem af er þessu ári á heimsvísu.
Geisli sem er 4 vetra var að þreyta frumraun sína í kynbótabrautinni og stóð sig með prýði en hann hlaut 8,36 fyrir sköpulag og 8,15 fyrir hæfileika sem gerir 8,23 í aðaleinkunn.

Nánari upplýsingar um Seðil má sjá hér og nánari upplýsingar um Geisla má sjá hér.

• Verðið á folatollinum undir Seðil er 99.200 m/vsk og inn í því er girðingargjald og 1 sónar.
• Verðið á folatollinum undir Geisla er 62.000 m/vsk og inn í því er girðingargjald og 1 sónar.

Nánari upplýsingar um notkun veita Guðmundur í síma 899 5692, Lárus í síma 661 2145, Maríanna í síma 894 6611 eða í gegnum tölvupóstfangið marianna@arbae.is. 
​

Seðill frá Árbæ fór í dóm nú í vikunni á Hellu eins og Geisli frændi hans. Hann hækkaði einkunnir sínar frá í fyrra og hlaut nú fyrir sköpulag 8,79, fyrir hæfileika 8,62 og gerir það 8,68 í aðaleinkunn og er hann að svo stöddu hæst dæmdi 6 vetra stóðhesturinn á þessu ári á heimsvísu. Frábær árangur þar hjá þessum einstaka höfðingja.

Seðill var sýndur listilega vel af Árna Birni eins og í fyrra en það eru þau Lárus og Ásta sem eiga heiðurinn af þjálfuninni á honum.

​​Seðill sinnir hryssum hér á Árbæ í sumar og er verðið undir.hann er 99.200 m/vsk. Inn í því er girðingargjald og 1 sónar. Nánari upplýsingar um notkun veita Guðmundur í síma 899 5692, Maríanna í síma 894 6611 eða í gegnum tölvupóstfangið marianna@arbae.is. 

Geisli frá Árbæ fór í kynbótadóm á Hellu í þessari viku. Það er ekki hægt að segja annað en að hann hafi staðið sig frábærlega. Hann flaug beint í fyrstu verðlaun en hann hlaut 8,36 fyrir sköpulag, 8,15 fyrir hæfileika og 8,23 í aðaleinkunn.

Geisli er fyrsta afkvæmi Gleði frá Árbæ en hún hlaut 8,23 í aðaleinkunn í kynbótadómi sjálf og er hún undan Vökli frá Árbæ sem var undan heiðursverðlaunahrossunum Vigdísi frá Feti og Aroni frá Strandarhöfði og móðir hans Glás frá Votmúla sem var undan Garúnu frá Stóra-Hofi og fyrrverandi heimsmeistaranum í fimmgangi Baldri frá Bakka. Faðir hans er Ölnir frá Akranesi sem hlaut 8,82 í aðaleinkunn í kynbótadómi.

Það er ekki hægt að segja annað en að þetta sé frábær dómur á þennan unga og efnilega stóðhest. Það var Árni Björn Pálsson sem sýndi hann lista vel í dómi en þau Lárus og Ásta eiga heiðurinn að tamningu og þjálfun á honum og færum við þeim öllum þökk fyrir.

Geisli sinnir hryssum hér á Árbæ í sumar og er verðið undir hann 50.000 + vsk. Inn í því er girðingargjald og 1 sónar. Áhugasamir hafi samband við Guðmund í síma 899 5692, Maríönnu í síma 894 6611 eða í gegnum tölvupóstfangið marianna@arbae.

Það var vel við hæfi að byrja þessa viku á fyrsta folaldi sumarsins. En í kvöld fæddist okkur hestur undan Keilu frá Árbæ og Draupni frá Stuðlum.

Keila móðir hans er fædd 2010 og er undan heiðursverðlaunahrossunum Arndísi frá Feti og Keili frá Miðsitju. En Keilir er einstakur gullmoli sem var í okkar eigu og hlaut hann Sleipnisbikarinn fræga á Landsmótinu 2006. Hún er hæst dæmda afkvæmi móður sinnar með 8,29 í aðaleinkunn í kynbótadómi. 8,31 fyrir sköpulag og 8,27 fyrir hæfileika.

​-------
The best way to start a new week is to see a foal take it's first step into the world. Tonight Keila frá Árbæ gave birth to a beautiful stallion after Draupnir frá Stuðlum. He is our first foal this summer and we can't wait to get more.

Keila is born in 2010 and is after the honorary prize horses Arndís frá Feti and Keilir frá Miðsitju. Keilir is a gem that was owned by us for many years and got the Sleipnir trophy for his offspring at Landsmót 2006. Keila has a total score of 8,29, 8,31 for conformation and 8,27 for riding abilities.

Seðill frá Árbæ mun taka á móti hryssum í Árbæ sumarið 2021. Seðill fór í kynbótadóm 2020 og hlaut þá 8,61 fyrir sköpulag og 8,35 fyrir hæfileika sem gerir 8,44 í aðaleinkunn. Hann er með 125 stig í aðaleinkunn kynbótamats (BLUP).

Seðill er áhugaverður hestur sem vakti mikla athygli þegar hann kom fram á Landssýningu kynbótahrossa. "Hann gerir mikið úr sér í reið með 9,0 fyrir háls og herðar og nýtir það vel í reið. Hann er jafnvígur og afar efnilegur alhliðahestur." Eins og Þorvaldur Kristjánsson orðaði það í kynningunni á honum þar.

Lárus sem á heiðurinn að tamningu og þjálfun á Seðli lýsir honum svo "Seðill býr yfir virkilega spennandi eiginleikum, fasmikill alhliða gæðingur, jafnvígur á öllum gangi, einstaklega samstarfsfús hestur með þjála lund."

Foreldrar Seðils eru þau Sjóður frá Kirkjubæ, ae. 8,70 sem hefur hlotið 1. verðlaun fyrir afkvæmi og Verona frá Árbæ, ae. 8,32, sem eru undan heiðursverðlaunahrossunum Aroni frá Strandarhöfði og Vigdísi frá Feti.

Nokkur afkvæmi fæddust undan Seðli s.l. sumar og eru þau öll mjög lofandi með glæsilegan frampart eins og pabbi sinn og verður gaman að fylgjast með þeim í framtíðinni.

Verðið undir hann er 80.000 + vsk. Inn í því er girðingargjald og 1 sónar.
​
Allar nánari upplýsingar um notkun og pantanir veita Guðmundur í síma 899 5692, Lárus í síma 661 2145, Maríanna í síma 894 6611 eða í gegnum tölvupóstfangið marianna@arbae.is.

Þá er síðasta folald ársins hjá okkur fætt en það er hann Viktor frá Árbæ. Hann er undan Venusi frá Árbæ og Seðli frá Árbæ og er brúnn að lit. Venus er undan heiðursverðlaunahestinum Keili frá Miðsitju og Væntingu frá Stóra-Hofi.

​
Our last foal of the year is born. A brown stallion, Viktor frá Árbæ, and he is after Seðill frá Árbæ and Venus frá Árbæ. Venus is after the honorary prize stallion Keilir frá Miðsitju and Vænting frá Stóra-Hofi.