Auga-Steinn í glæsilegan dóm

Auga-Steinn og Aðalheiður 2023

Veronusonurinn Auga-Steinn frá Árbæ var sýndur í kynbótadómi á Hellu nú í vikunni og hlaut glæsilegan dóm. En hann hlaut 8,21 fyrir sköpulag og 8,30 fyrir hæfileika sem gerir 8,27 í aðaleinkunn.

Auga-Steinn er 6 vetra gamall undan þeim Thór-Steini frá Kjartansstöðum og Veronu frá Árbæ. Hann er fimmta afkvæmi Veronu til að hljóta fullnaðardóm og það fjórða til að fara í fyrstu verðlaun. Með þessu uppfyllir Verona nú allar kröfur sem eru gerðar til að hljóta heiðursverðlaun fyrir afkvæmi sem gerir þennan dóm hans enn sætari og verður gaman að sjá þegar kynbótamatið verður reiknað í haust hvar hún endar í röðinni. En við erum ákaflega stolt af henni og afkvæmum hennar.

Það var Aðalheiður Anna Guðjónsdóttir sem sýndi hann með glæsibrag en hann hefur verið hjá henni frá í byrjun júní en þjálfun hans fram að því hefur verið í höndum góðra vina okkar og meðeiganda í honum þeirra Eddu Rún og Sigga Matt ásamt þeirra fólki.
​

---

Aðaleinkunn kynbótadóms 8,27

Sköpulagseinkunn - 8,21
Höfuð: 8,5 - Fínleg eyre - Afar svipgott
Háls, herðar og bógar: 8,5 - Góð yfirlína - Góð bógalega
Bak og lend: 8,5 - Góð baklína - Löng lend
Samræmi: 8,0 - Jafnvægisgott -Léttbyggt - Þröngur um brjóst
Fótagerð: 8,0 - Þurrir fætur
Réttleiki: 7,0 - Framf: Útskeifir - Nágengir
Hófar: 8,5 - Hvelfdur botn
​Prúðleiki: 7,5

Hæfileikaeinkunn - 8,30
​Tölt: 8,5 - Mjukt
Brokk: 8,0 - Takthreint
Skeið: 8,0 - Meðalrými - Öruggt
Greitt stökk: 8,0 - Rúmt
Hægt stökk: 8,5 - Léttstígt
Samstarfsvilji: 8,5 - Þjálni
Fegurð í reið: 8,0
​Fet: 9,0 - Stöðugt - Takhreint
​Hægt tölt: 8,0