Gull á heimsmeistaramóti

Þá er heimsmeistaramóti íslenska hestsins í Oirschot, Hollandi, lokið og gullmolinn hann Geisli frá Árbæ stóð sig heldur betur vel þegar hann nældi sér í gull í flokki 6 vetra stóðhesta. 

Hann sýndi sig frábærlega bæði í forsýningu og yfirliti og að yfirliti loknu var aðaleinkunn hans komin í 8,60 sem skiptist í 8,76 fyrir sköpulag og 8,52 fyrir hæfileika. 

Það er ekki hægt að segja annað en að við séum að springa úr stolti yfir þessum mikla gæðingi. Hann sýndi sig mjög vel og vakti verðskuldaða athygli. Það var snillingurinn hann Árni Björn Pálsson sem sá um að sýna hann og hugsaði um hann úti fyrir okkur en hér heima hafa þau Lárus og Ásta borið hitann og þungann af þjálfun hans og erum við þessu magnaða þríeyki ákaflega þakklát fyrir þeirra frammistöðu.

Nú taka við ný verkefni hjá honum á meginlandinu og verður gaman að fylgjast með honum í þeim af hliðarlínunni.
​

---

Aðaleinkunn kynbótadóms

Sköpulagseinkunn - 8,76
Höfuð: 8,0 - Vel opin augu - Djúpir kjálkar
Háls, herðar og bógar: 9,0 - Hátt settur - Klipin kverk - Góð yfirlína - Skásettir bógar
Bak og lend: 9,5 - Afar góð baklína - Vöðvafyllt bak - Breitt bak - Öflug lend - Jöfn lend - Löng lend
Samræmi: 9,0 - Jafnvægisgott - Afar fótahátt - Léttbyggt - Sívalvaxið - Hlutfallarétt
Fótagerð: 8,5 - Sverir liðir - Sinaskil í meðallagi - Þurrir fætur - Öflugar sinar
Réttleiki: 7,5 - Framf.: R) Brotin tálína - Afturf.: R) Brotin tálíng
Hófar: 8,5 - Hvelfdur botn - Samhverfir

Hæfileikaeinkunn - 8,52
Tölt: 8,5 - Mjúkt - Rúmt - Takthreint
Brokk: 8,0 - Takthreint
Skeið: 9,0 - Rúmt - Góð skreflengd - Sterk yfirlína - Taktgott
Greitt stökk: 8,5 - Góð skreflengd
Hægt stökk: 8,5 - Hvefld yfirlína - Takthreint - Jafnvægisgott
Samstarfsvilji: 9,0 - Góð framhugsun - Þjálni
Fegurð í reið: 8,5 - Góður höfuðburður
Fet: 8,0 - Takthreint 
​Hægt tölt: 8,0