fulltrúar okkar ræktunar á Landsmóti

Þau þrjú hross úr okkar ræktun sem voru sýnd í fullnaðardóm í vor hafa öll tryggt sér þátttökurétt í kynbótahlutanum á Landsmótinu á Hellu nú í júlí. En það eru þau Seðill, Ásdís og Geisli. Seðill og Geisli eru í okkar eigu en það er Volker Sill sem á Ásdísi.

Þau verða glæsilegir fulltrúar okkar ræktunar á mótinu og erum við full tilhlökkunar að fylgjast með þeim þar.

Seðill og Árni Björn - Ljósm. MG

Hinn 7 vetra Seðill frá Árbæ tryggði sér þátttökurétt í flokki stóðhesta 7 vetra og eldri með aðaleinkunnina 8,75 og er hann annar hæsti stóðhesturinn í þeim flokki.

Sköpulag: 8,79
Hæfileikar: 8,72
​
F: Sjóður frá Kirkjubæ
M: Verona frá Árbæ

Ásdís og Jakob Svavar - Ljósm. Nicki Pfau

Hin 6 vetra gamla Ásdís frá Árbæ hefur tryggt sér þáttökurétt í flokki 6 vetra hryssna með aðaleinkunnina 8,42.

Sköpulag: 8,31
Hæfileikar: 8,47

​F: Stekkur frá Skák
M: Arndís frá Feti

Geisli og Árni Björn - Ljósm. MG

Hinn 5 vetra gamli Geisli frá Árbæ hefur tryggt sér þátttöku í flokki 5 vetra stóðhesta með aðaleinkunnina 8,45 og er hann annar hæsti stóðhesturinn í sínum flokki.

Sköpulag: 8,66
​Hæfileikar: 8,34

F: Ölnir frá Akranesi
M: Gleði frá Árbæ