Geisli í fyrstu verðlaun

Geisli frá Árbæ fór í kynbótadóm á Hellu í þessari viku. Það er ekki hægt að segja annað en að hann hafi staðið sig frábærlega. Hann flaug beint í fyrstu verðlaun en hann hlaut 8,36 fyrir sköpulag, 8,15 fyrir hæfileika og 8,23 í aðaleinkunn.

Geisli er fyrsta afkvæmi Gleði frá Árbæ en hún hlaut 8,23 í aðaleinkunn í kynbótadómi sjálf og er hún undan Vökli frá Árbæ sem var undan heiðursverðlaunahrossunum Vigdísi frá Feti og Aroni frá Strandarhöfði og móðir hans Glás frá Votmúla sem var undan Garúnu frá Stóra-Hofi og fyrrverandi heimsmeistaranum í fimmgangi Baldri frá Bakka. Faðir hans er Ölnir frá Akranesi sem hlaut 8,82 í aðaleinkunn í kynbótadómi.

Það er ekki hægt að segja annað en að þetta sé frábær dómur á þennan unga og efnilega stóðhest. Það var Árni Björn Pálsson sem sýndi hann lista vel í dómi en þau Lárus og Ásta eiga heiðurinn að tamningu og þjálfun á honum og færum við þeim öllum þökk fyrir.

Geisli sinnir hryssum hér á Árbæ í sumar og er verðið undir hann 50.000 + vsk. Inn í því er girðingargjald og 1 sónar. Áhugasamir hafi samband við Guðmund í síma 899 5692, Maríönnu í síma 894 6611 eða í gegnum tölvupóstfangið marianna@arbae.

---

Sköpulagseinkunn - 8,36
Höfuð: 7,5 - Vel opin augu - Djúpir kjálkar
Háls, herðar og bógar: 8,5 - Hátt settur - Skásettir bógar
Bak og lend: 9,0 - Góð baklína - Afar breitt bak - Afar öflug lend
Samræmi: 8,5 - Fótahátt - Hlutfallarétt
Fótagerð: 8,0 - Sverir liðir - Sinaskil í meðallagi - Þurrir fætur
Réttleiki: 7,5 - Útskeifur
Hófar: 8,5 - Hvelfdur botn
​Prúðleiki: 7,5

Hæfileikaeinkunn - 8,15
Tölt: 8,0 - Meðalmýkt - Góð fótlyfta- Góð skreflengd - Takthreint
Brokk: 8,0 - Góð skreflengd - Takthreint
Skeið: 8,0 - Góð skreflengd
Greitt stökk: 8,5 - Góð skreflengd - Rúmt
Hægt stökk: 8,5 - Góð skreflengd - Hvelfd yfirlína - Takthreint
Samstarfsvilji: 8,5 - Góð framhugsun - Yfirvegun
Fegurð í reið: 8,0 - Há fótlyfta
​Fet: 8,5 -  Góð skreflengd - Takhreint
​Hægt tölt: 7,5