Seðill hlaut 8,44 í aðaleinkunn

Seðill frá Árbæ fór í kynbótadóm á Hellu í síðustu viku og hlaut þar glæsilegan dóm. Hann hlaut hvorki meira né minna en 8,44 í aðaleinkunn sem skiptist í 8,61 fyrir sköpulag og 8,35 fyrir hæfileika. Frábær dómur á þessum unga og bráðefnilega fola í sínum fyrsta fullnaðardómi og verður gaman að halda áfram með hann næsta vetur.

Seðill er undan Veronu frá Árbæ sem hlaut á sínum tíma 8,32 í aðaleinkunn (8,38 fyrir sköpulag og 8,28 fyrir hæfileika). Verona er undan heiðursverðlaunahrossunum Aroni frá Strandarhöfði og Vigdísi frá Feti. Seðill er þriðja afkvæmi hennar til að koma fram í dóm en áður hafa þær Díva (ae. 8,17) og Þórdís (ae. 7,95) farið í dóm. Faðir Seðils er Sjóður frá Kirkjubæ sem hlaut 8,70 í aðaleinkunn í kynbótadómi. Seðill er einn hæst dæmdi sonur föður síns og með hæstu sköpulagseinkunn afkvæma hans.

Seðill var sýndur glæsilega í kynbótadómi af Árna Birni Pálssyni en það er Lárus Jóhann Guðmundsson sem hefur séð um tamningu og þjálfun á honum frá upphafi og færum við þeim báðum þökk fyrir.

Seðill sinnir hryssum hér á Árbæ í sumar og er verðið undir hann 75.000 + vsk. Inn í því er girðingargjald og 1 sónar. Áhugasamir hafi samband við Guðmund í síma 899 5692, Maríönnu í síma 894 6611 eða í gegnum tölvupóstfangið marianna@arbae.is

---

Sköpulagseinkunn - 8,61
Höfuð: 8,5 - vel borin eyru - Vel opin augu
Háls, herðar og bógar: 9,0 - Reistur - Langur - Háar herðar
Bak og lend: 8,5 - Góð baklína - Vöðvafyllt bak
Samræmi: 8,5 - Afar fótahátt - Hlutfallarétt
Fótagerð: 8,5 - Þurrir fætur - Öflugar sinar
Réttleiki: 8,0
Hófar: 9,0 - Hvelfdur botn - Efnismiklir
​Prúðleiki: 7,5

Hæfileikaeinkunn - 8,35
Tölt: 8,5 - Há fótlyfta - Góð skreflengd - Takthreint
Brokk: 8,5 - Há fótlyfta - Takthreint
Skeið: 7,5
Stökk: 8,5 - Góð skreflengd - Ferðmikið
Hægt stökk: 8,5 - Meðal skreflengd - Svifgott - Takthreint
Samstarfsvilji: 8,5 - Mikil þjálni
Fegurð í reið: 8,5 - Mikil reising
​Fet: 8,5 -  Skrefmikið - Takhreint
​Hægt tölt: 8,5