Seðill í glæsilegan dóm

Seðill og Árni á kynbótasýningu í Hafnarfirði 2022

Gæðingurinn Seðill frá Árbæ fór í kynbótadóm í Hafnarfirði í vikunni og ekki hægt að segja annað en að það hafi gengið ljómandi vel. Hann hækkaði dóm sinn frá í fyrra og er nú kominn með 8,75 í aðaleinkunn. Sem skiptist í 8,79 fyrir sköpulag og 8,72 fyrir hæfileika. 

Með þessum glæsilega dómi er hann búinn að tryggja sér farmiða á Landsmót og verður gaman að fylgjast með honum þar.

​Seðill var sýndur listilega vel af Árna Birni eins og áður en það eru þau Lárus og Ásta sem eiga heiðurinn af þjálfuninni á honum frá upphafi.

Seðill verður á húsi og í girðingu í Árbæ sumarið 2022. Verðið undir.hann er 150.000 m/vsk. Inn í því er girðingargjald og 1 sónar. Nánari upplýsingar um notkun veita Guðmundur í síma 899 5692, Lárus í síma 661 2145, Maríanna í síma 894 6611 eða í gegnum tölvupóstfangið marianna@arbae.is

---

​AÐALEINKUNN KYNBÓTADÓMS 8,75

Sköpulagseinkunn - 8,79
Höfuð: 8,5 - vel borin eyru - Bein neflína
Háls, herðar og bógar: 9,0 - Reistur - Meðal hálssetning - Langur - Hvelfd yfirlína
Bak og lend: 9,0 - Góð baklína - Vöðvafyllt bak - Breitt bak 
Samræmi: 9,0 - Framhátt - Fótahátt - Sívalvaxið - Hlutfallarétt
Fótagerð: 8,5 - Þurrir fætur - Öflugar sinar
Réttleiki: 8,0
Hófar: 9,0 - Hvelfdur botn - Efnisþykkir - Vel lagaðir
​Prúðleiki: 7,5

Hæfileikaeinkunn - 8,72
Tölt: 8,5 - Góð fótlyfta - Góð skreflengd - Rúmt - Takthreint
Brokk: 9,0 - Góð skreflengd - Svifgott - Rúmt - Takthreint
Skeið: 9,0 - Rúmt - Góð skreflengd - Svifgott - Sterk yfirlína - Taktgott
Greitt stökk: 8,0 - Góð skreflengd
Hægt stökk: 8,0 - Góð skreflengd - Takthreint
Samstarfsvilji: 9,0 - Góð framhugsun - Mikil þjálni
Fegurð í reið: 9,0 - Góð fótlyfta - Mikil reising - Fasmikið
​Fet: 8,5 - Góð skreflengd - Stöðugt - Takhreint
​Hægt tölt: 8,5 - Góð fótlyfta - Góð skreflengd