Góð fyljun hjá Seðli

Seðill og Árni Björn í dóm á Hellu 2021

Það sem af er sumri er mjög góð fyljun hjá Seðli en sónað var frá honum nú í vikunni og nýjum hryssum bætt í hólfið hjá honum. Enn eru nokkur pláss laus og er hægt að bæta inn á hann hryssum eftir því sem við á.
​
Seðill er hæst dæmdi 6 vetra stóðhesturinn á heimsvísu það sem af er árinu. Hann hlaut 8,68 í aðaleinkunn í vor sem skiptist í 8,79 fyrir sköpulag og 8,62 fyrir hæfileika. Hann er með 9,0 í einkunn fyrir háls herðar og bóga, bak og lend, samræmi, hófa, greitt stökk, samstarfsvilja og fet. Hann er með 125 í aðaleinkunn kynbótamats.. 

Móðir hans er Verona frá Árbæ sem er undan heiðursverðlaunahrossunum Vigdísi frá Feti og Aroni frá Strandarhöfði og farðir hans er Sjóður frá Kirkjubæ sem hefur hlotið 1. verðlaun fyrir afkvæmi og er undan Þyrnirós frá Kirkjubæ og heiðursverðlaunahestinum Sæ frá Bakkakoti.

Seðill er spennandi kostur fyrir ræktendur sem vilja rækta fallega, jafnvíga alhliða gæðinga með þjála og góða lund. Hér má sjá myndband af honum frá því á kynbótasýningunni í vor.

Verðið undir.hann er 99.200 m/vsk. Inn í því er girðingargjald og 1 sónar. Nánari upplýsingar um notkun veita Guðmundur í síma 899 5692, Lárus í síma 661 2145, Maríanna í síma 894 6611 eða í gegnum tölvupóstfangið [email protected].

---

Aðaleinkunn kynbótadóms 8,68

Sköpulagseinkunn - 8,79
Höfuð: 8,5 - vel borin eyru - Bein neflína
Háls, herðar og bógar: 9,0 - Langur - Hvelfdur - Afar háar herðar
Bak og lend: 9,0 - Góð baklína - Vöðvafyllt bak - Breitt bak - Jöfn lend
Samræmi: 9,0 - Framhátt - Fótahátt - Sívalvaxið - Hlutfallarétt
Fótagerð: 8,5 - Þurrir fætur - Öflugar sinar
Réttleiki: 8,0
Hófar: 9,0 - Hvelfdur botn - Efnisþykkir - Vel lagaðir
​Prúðleiki: 7,5

Hæfileikaeinkunn - 8,62
Tölt: 8,5 - Góð fótlyfta - Takthreint
Brokk: 8,5 - Há fótlyfta - Svifgott - Takthreint
Skeið: 8,5 - Rúmt - Góð fótahreyfing - Taktgott
Greitt stökk: 9,0 -  Léttar hreyfingar - Há fótlyfta - Góð skreflengd - Svifgott - Ferðmikið
Hægt stökk: 8,5 - Há fótlyfta - Takthreint
Samstarfsvilji: 9,0 - Góð framhugsun - Yfirvegun
Fegurð í reið: 8,5 - Há fótlyfta - Góð reising - Góður höfuðburður
​Fet: 9,0 -  Mjúkt - Góð skreflengd - Takhreint
​Hægt tölt: 8,5 - Há fótlyfta